பச்சையப்பன் மற்றும் கல்லூரி மாணவர்கள் ரூட்-தல பிரச்சினை – கல், சோடா பாட்டில், பீர் பாட்டில்களை வீசி,உருட்டு கட்டை தாக்குதல், கைது முதலியன (2)

பச்சையப்பன் மற்றும் கல்லூரி மாணவர்கள் ரூட்–தல பிரச்சினை – கல், சோடா பாட்டில், பீர் பாட்டில்களை வீசி, உருட்டுகட்டை தாக்குதல், கைது முதலியன (2)

கல், சோடா பாட்டில், பீர் பாட்டில்களை ஒருவர் மீது ஒருவர் வீசி தாக்கினர்.  உருட்டுகட்டையாலும் தாக்கிக்கொண்டனர்: இவையெல்லாம் எப்படி உடனடியாக இவர்களுக்குக் கிடைக்கும் என்று தெரியவில்லை. மாறாக, இவர்கள் ஏற்கெனவே வைத்திருந்தனர் எனும் பொழுது, அத்தகைய வன்முறைக்குத் தயாராக இருந்தனர் என்றாகிறடு. இதில் சில மாணவர்களுக்கு ரத்த காயம் ஏற்பட்டது. மாணவர்களின் மோதலை கண்டு அதிர்ச்சி அடைந்த பயணிகள் அலறியடித்து வேறு ரெயில் பெட்டியில் ஏறினர். இதனால் அப்பகுதியில் பெரும்பரபரப்பு ஏற்பட்டது. இதற்கிடையே மாணவர்கள் மோதல் பற்றி அறிந்ததும் பெரம்பூர் ரெயில்வே போலீசார் விரைந்து வந்தனர். ரயில் நடைமேடையில் நடந்த இந்த மோதல்சம்பவம், பயணியரிடம் அதிர்ச்சியை ஏற்படுத்தியது. ஒரே நேரத்தில் 60க்கும் மேற்பட்ட மாணவர்கள் தாக்கிக் கொண்டதால், ரயில்வே போலீசார் மற்றும் ரயில்வே பாதுகாப்பு படையினரால் அவர்களை உடனடியாக கட்டுப்படுத்த முடியவில்லை. என்றாலும், இதனால், மாணவர்களின் வன்முறை அதிகமாகும், அவர்களுக்கு பாதிப்பு ஏற்படும் என்றும் கருதியிருக்கலாம்.

‘சிசிடிவி கேமரா‘வில் பதிவை வைத்து கைது, வழக்குப் பதிவு: உடனே மோதலில் ஈடுபட்டவர்கள் அங்கிருந்து தப்பி ஓட்டம் பிடித்தனர். அவர்களில் 3 மாணவர்களை போலீசார் மடக்கி பிடித்தனர். அவர்களிடம் விசாரணை நடத்தி வருகிறார்கள். இந்த வன்முறை சம்பவம், ‘சிசிடிவி கேமரா’வில் பதிவாகி உள்ளது. அந்த வீடியோவை ஆய்வு செய்து, மோதலில் ஈடுபட்ட இரண்டு கல்லுாரிகளைச் சேர்ந்த 60 மாணவர்கள் மீது, ரயில்வே போலீசார் வழக்குப் பதிவு செய்துள்ளனர்[1]. இது தொடர்பாக இந்த சம்பவத்தில் ஈடுபட்ட இரு கல்லூரிகளைச் சேர்ந்த 60 பேர் மீது 7 பிரிவுகளின் கீழ் பெரம்பூர் ரயில்வே போலீஸ் வழக்குப்பதிவு செய்தனர்[2]. மேலும் மாநிலக் கல்லூரியைச் சேர்ந்த மூன்று பேரை கைது செய்துள்ளனர்[3]. மற்ற மாணவர்களைத் தீவிரமாகத் தேடும் பணி நடைபெற்று வருகிறது[4]. சட்டத்தை மீறி பொது சொத்தை நாசப் படுத்துவது, அமைதியை குளைப்பது என்பதெல்லாம் படிக்கும் மாணவர்களுக்கு உரிய குணங்கள் அல்ல.

வன்முறையில் ஈடுபட்ட 60 மாணவர்களையும் நிரந்தரமாக நீக்க பரிந்துரை செய்த போலீஸ்: ரயில்வே போலீஸ் டி.எஸ்.பி., ரமேஷ் கூறியதாவது[5]: “இந்த மோதலில் ஈடுபட்ட 60 மாணவர்களையும் நிரந்தரமாக நீக்க பரிந்துரை செய்து, இரண்டு கல்லுாரிகளின் முதல்வர்களுக்கும் கடிதம் அனுப்பி உள்ளோம். சென்னை புறநகரில், 50க்கும் மேற்பட்ட பிரதான கல்லுாரிகள் இருக்கின்றன. ஆனால், ஒரு சில கல்லுாரி மாணவர்கள்அடிக்கடி மோதிக் கொள்வது நல்லதல்ல. பல முறை பிடித்துஎச்சரிக்கை விடுத்தும், அவர்கள் பொது இடங்களில் ஒழுங்கு முறைகளை பின்பற்றுவதில்லை. இனி, சம்பந்தப்பட்ட மாணவர்கள் மீது சட்டப்படி நடவடிக்கை எடுக்கப்படும்,” இவ்வாறு அவர் கூறினார்[6]. பொறுப்புடன் தான் இதை சொல்லி இருக்கிறார், போலீஸ் அதிகாரி என்பது மட்டுமில்லாமல் ஒரு தந்தை என்ற முறையிலும் கூறியிருக்கிறார் என்பதை நன்றாக கவனிக்கலாம். இதே போன்ற பொறுப்பு இந்த மாணவர்களின் தாய்-தந்தையர்களுக்கும் இருக்க வேண்டும்.

தினமும் மணவர்கள் ஒழுங்காக வகுப்புகளில் உட்கார்ந்து பாடம் கேட்டாலே, பாதி பிரச்சினை தீர்ந்து விடும்: முதலில் படிக்கும் கல்வி நிறுவனங்களில் அதாவது பள்ளி கல்லூரிகளில் அவர்கள் ஒழுக்கமாக இருக்க வேண்டும். இப்பொழுது எல்லாம் மாணவர்கள் ஆசிரியர்களை மதிப்பதில்லை, வகுப்பில் கூட ஒழுங்காக இருப்பதில்லை. பாடம் சொல்லிக் கொடுக்கின்ற வேளையில், நேரங்களில் வெளியில் உட்காருவது, சுற்றி வருவது என்றெல்லாம் செய்து வருகிறார்கள். ஒரு 50 பேர் இருந்தால், ஒரு 10 மாணவர்கள் தான் வகுப்பில் உட்கார்ந்து பாடங்களை கேட்கிறார்கள். மற்றவர்கள் ஊரைச் சுற்றி வருகிறார்கள். அது மட்டும் இல்லாமல் அந்த 10 மாணவர்களையும் வகுப்புக்கு செல்ல விடாமல் முயற்சிகளையும் செய்து வருகிறார்கள் என்பதும் தெரிந்த விஷயமாக இருக்கிறது. ஆகவே இத்தகைய ஒழுங்கீனங்களை முதலில் மாணவர்கள் விலக்கிக் கொள்ள வேண்டும். அட்டென்டென்ஸ் / தினசரி வருகை, குறைந்த பட்சம் மதிப்பெண் கொடுப்பது, போன்ற சலுகைகளால், ஏதோ தண்டம் கட்டிவிட்டால், பரீட்சை எழுதி விடலாம், டிகிரி / பட்டம் கிடைத்து விடும் என்பதால், வகுப்பிற்கு செல்ல வேண்டும் என்ற போக்கும் மாறி விட்டது.

சினிமா, ஊடகங்கள் ஒழுன்கீனங்களுக்குக் காரணம்; இப்பொழுதெல்லாம் பிரச்சனை, பிரச்சினையின் மூல காரணம், அது எவ்வாறு உருவாகிறது, அதை தவிர்ப்பது எப்படி என்பதெல்லாம் விட்டுவிட்டு, வேறு வகையில் விளக்கம் கொடுத்து, ஒரு நிலையில அதனை நியாயப்படுத்தும் முறைக்கு கூட இன்றைய சித்தாந்தவாதிகள், அரசியல்வாதிகள், ஏன் மனோதத்துவ ஆலோசர்கள் கூட செய்து வருகிறார்கள். சமூக கட்டுப்பாடு, கல்வி நிலையங்கள் கடைபிடிக்க வேண்டிய வழிமுறைகள், பொது இடங்களில் எப்படி ஒழுங்காக இருக்க வேண்டும் முதலியவற்றை எல்லாம் சொல்லிக்கொடுக்க வேண்டிய அவசியம் இல்லை. அவற்றை, மாணவர்கள் மீறும் பொழுது உடனடியாக அவர்கள் கட்டுப்படுத்தப்படுத்தப் பட வேண்டும். அறிவுரை அல்லது தண்டனை கொடுக்கப்பட வேண்டும். இல்லை என்றால், அவர்கள் செய்வதெல்லாம் சரி, ஏற்றுக் கொள்ளப் பட்டவை என்ற மனநிலை வரும்பொழுதும், மற்ற ஊடகங்கள் சினிமா போன்றவற்றில் வருகின்ற வன்முறை காட்சிகள், அடிதடி சண்டைகள் முதலியவற்றைல்லாம் வீட்டில் கூட உட்கார்ந்து மற்ற நண்பர்கள் குடும்பத்தினர், மற்றும் பெரியவர்களுடன் கூட பார்க்கும் பொழுது இதெல்லாம் ஒரு சாதாரணமான விஷயமாகிவிட்டது என்ற மனநிலை உண்டாகலாம். சமூகத்தில் ஏற்றுக்கொள்ளப்பட்டு விட்டது என்பதை கூட இக்கால சிறுவர்கள் இளைஞர்கள் மற்றவர்கள் நினைக்கக்கூடிய நிலை ஏற்பட்டுள்ளது. எனவே, முதலில் அத்தகைய போக்கை மாற்றவேண்டும்.

கல்வியில் ஒழுங்கீனம் ஏற்பட்டால், சமூக்சமே சீரழிந்து விடும்; பல்கலைக்கழகங்கள், கல்லூரிகள் முதலியவற்றில் வரைமுறை, சட்டதிட்டம் என்றெல்லாம் கடைபிடிக்க வேண்டும் என்ற அவசியம் உள்ளது. அதேபோல கல்வி கற்பிக்கும் ஒவ்வொரு துறை தலைவர், பேராசிரியர், விரிவுரையாளர் என்று பாடம் எடுக்கும் மற்றவர்களும் அத்தகைய ஒழுக்கத்தை கடைபிடிக்க வேண்டும். ஆனால் இப்பொழுது எல்லாம் ஒவ்வொரு பல்கலைக்கழகம் கல்லூரிகளில் துணைவேந்தர் முதல் பணியாற்றம் மற்ற உயர் பொறுப்பில் இருப்பவர்கள், போதிக்கும் ஆசிரியர்கள் என்று வரும்பொழுது, அவர்கள் மீதும் ஒழுங்கீனங்கள், சட்டமீறல்கள், ஊழல் என்று, குற்றச்சாட்டுகள் அடிக்கடி வருகின்றன. இவையெல்லாம் ஊடகங்களிலும் விவரங்களுடன் வெளிவந்து கொண்டிருக்கின்றன. இதனால், அங்கு படிக்கும் மாணவர்களுக்கும், அவர்கள் மீதான மரியாதை குறைந்து வர்கிறது. துறை தலைவர் பேராசிரியர் போன்றவர்களே, இப்படி இருக்கிறார்கள், இவர்களிடம் நமக்கு எப்படி ஒழுங்காக பாடம் சொல்லிக் கொடுப்பது என்ற ஒரு மன போக்கும் உண்டாகும். இந்த நிலையில், மன நிலையில் சென்று பதியும் பொழுது, இருக்கும் கொஞ்சம் மரியாதையும் பயமும் கூட போய்விடும் / போய் விடுகிறது. அந்நிலையில் இவர்களே அந்த வன்முறைகளில் விடுகிறார்கள் இதனால் தான் படிப்பு மற்றும் கல்வித் துறை சம்பந்தப்பட்ட விஷயங்களில் ஆர்வம் குறைந்து கொண்டு, மற்ற காரியங்கள், ஒழுங்கீனங்கள், வன்முறைகள் என்று பல சமூக தீவிரவாத செயல்களிலும் ஈடுபடுகிறார்கள்.

© வேதபிரகாஷ்

15-02-2024

---

[1] தினகரன், மாணவர்கள் மோதல்: போலீஸ் வழக்குப்பதிவு, February 14, 2024, 8:04 am.

[2] https://www.dinakaran.com/students_clash_police_case_filed/

[3] தமிழ்.இந்தியன்.எக்ஸ்பிரஸ், ரயில் நிலையத்தில் பீர் பாட்டில் வீசி மோதல்: மாணவர்களை கல்லூரியில் இருந்து நீக்க ரயில்வே போலீசார் கடிதம்,WebDesk, 14 Feb 2024 13:32 IST.

[4] https://tamil.indianexpress.com/tamilnadu/railway-police-letter-to-2-college-to-sack-students-involved-in-clash-3749132

[5] தினமலர், 60 பேரை டிஸ்மிஸ் செய்ய ரயில்வே போலீஸ் பரிந்துரை, மாற்றம் செய்த நாள்: பிப் 15,2024 08:02

[6] https://m.dinamalar.com/detail.php?id=3551322

பச்சையப்பன் மற்றும் கல்லூரி மாணவர்கள் ரூட்-தல பிரச்சினையில் மோதல், அடிதடி, கைது முதலியன (1)

பச்சையப்பன் மற்றும் கல்லூரி மாணவர்கள் ரூட்–தல பிரச்சினையில் மோதல், அடிதடி, கைது முதலியன (1)

பல உயர்ந்தவகளை உருவாக்கியது பச்சையப்பன் கல்லூரி: சென்னையின் முக்கிய அடையாளங்களுள் ஒன்றாக திகழும் பச்சையப்பன் கல்லூரி, 1842-ம் ஆண்டு ஆங்கிலேயர்கள் எதிர்ப்பையும் மீறி தமிழ்நாட்டில் தனியாரால் தொடங்கப்பட்ட முதல் கல்லூரி என்ற பெயரைப் பெற்றதாகும். வள்ளல் பச்சையப்ப முதலியாரின் (1754-1794) ஆசைப்படி பள்ளியாக உருவாக்கப்பட்டு, 1889-ம் ஆண்டு பச்சையப்பன் கல்லூரியாக தரம் உயர்ந்தது. அதிலிருந்து தமிழ்நாட்டின் வரலாற்றை மாற்றும் முக்கிய தலைவர்கள் உருவாகும் இடமாக பச்சையப்பன் கல்லூரி மாறியது. குறிப்பாக தமிழ்நாட்டிற்கு பெயர் வாங்கிக் கொடுத்த முன்னாள் முதலமைச்சர் சி. என். அண்ணாதுரை தொடங்கி, க. அன்பழகன், நெடுஞ்செழியன், துரைமுருகன், கணிதமேதை ராமானுஜம், பம்மல் சம்பந்த முதலியார், தமிழறிஞர் மு.வரதராசனார், ஆர். எஸ். மனோகர், எனப் பட்டியல் நீண்டு, நா. பார்த்தசாரதி, கவிஞர் வைரமுத்து நா. முத்துக்குமார் என தொடர்ந்துகொண்டே போகும். தவிர, விளையாட்டு வீரர்கள், சிறந்த மருத்துவர், பொறியாளர், அரசு அதிகாரிகள் என்றும் பலர் இருக்கிறார்கள்.

அரசியலால் ஒழுக்கம் சிதைந்து சீரழிந்த கல்லூரி: மகாத்மா காந்தி, சுவாமி விவேகானந்தர், முன்னாள் குடியரசுத் தலைவர் டாக்டர் ராதாகிருஷ்ணன் உள்ளிட்ட எண்ணற்ற தேசிய தலைவர்களும் வந்து உரையாற்றிய இடமாக திகழ்ந்த பச்சையப்பன் கல்லூரி, லட்சக்கணக்கான மாணவர்களை சமூகத்திற்குக் கொடுத்திருக்கிறது. அரசியல் தலைவர்கள், விஞ்ஞானிகள், அறிஞர்கள், ஐஏஎஸ் அதிகாரிகள், சட்டப் பேரவை உறுப்பினர்கள், கவிஞர்கள், பேராசிரியர்களை உருவாக்கியது, ஏழை எளிய மாணவர்கள் பலர் பயின்று, தங்கள் வாழ்க்கையில் கல்வியின் ஒளி கண்ட பச்சையப்பன் கல்லூரி, தற்போதோ தலைகீழ் நிலைமையைக் கண்டு தவித்து வருவதே நிதர்சனம். முன்பெல்லாம் பச்சையப்பன் கல்லூரி என்ற பெயரைக் கேட்டு மரியாதை செலுத்திய தமிழ் மக்கள், இப்போது முகம் சுழிக்கும் நிலைக்கு ஆளாகியுள்ளது. இரண்டு நிலைமைகளுக்கும் காரணம் அதில் படித்த மாணவர்களின் நடவடிக்கைகள் என்பதே வேடிக்கையான விஷயம்[1]. பிற கல்லூரி மாணவர்களுடன் பச்சையப்பன் கல்லூரி மாணவர்களின் மோதல், அரசுப் பேருந்துகளில் ரூட் தல விவகாரம், கல்லூரியின் நிர்வாகத்திலும் பேராசிரியர் நியமனங்களில் முறைகேடு என, பெயர்போன கல்லூரியின் பெயர் நாளுக்கு நாள் பின்னுக்குப் போய்க்கொண்டிருக்கிறது[2].

மாநிலக் கல்லூரியும் அப்படியே; சென்னை மாநிலக் கல்லூரி (Presidency College), தமிழ்நாட்டில், சென்னை மாவட்டத்தில் அமைந்துள்ளது. இக்கல்லூரி சென்னை பல்கலைக்கழகத்தின் முன்னோடி என்ப்படுகின்றது. இக்கல்லூரி ஹயர் பர்டன் பவல் எனும் கணிதவியல் பேராசிரியரால் 1840 இல் திறக்கப்பட்டது. சிறந்த முன்னாள் மாணவர்கள் பட்டியலில் சிலர்:

தி. முத்துச்சாமி அய்யர் – சென்னை உயர்நீதிமன்றத்தின் முன்னாள் தலைமை நீதிபதி

ச. வெ. இராமன் – அறிவியலாளர்

சுப்பிரமணியன் சந்திரசேகர் – இயற்பியலாளர்

எஸ். ஆர். ஸ்ரீனிவாச வரதன் – கணிதவியலாளர்

சிதம்பரம் சுப்பிரமணியம் – முன்னாள் மத்திய அமைச்சர்

ம. சிங்காரவேலர் – விடுதலைப் போராட்ட வீரர்

நெ. து. சுந்தரவடிவேலு – சென்னைப் பல்கலைக்கழகத்தின் முன்னாள் துணைவேந்தர்

சாலை இளந்திரையன் – எழுத்தாளர் – தமிழறிஞர்

சாலினி இளந்திரையன் – எழுத்தாளர்

அப்துல் ஹமீத் கான் முன்னாள் மேயர்

எம். எஸ். கிருஷ்ணன் புவியியலாளர்

ரூட்டு-தல பிரச்சினை: சென்னையில் பச்சையப்பன் கல்லூரி, மாநிலக் கல்லூரி மாணவர்களிடையே தொடர்ந்து தகராறு ஏற்பட்டு வருகிறது[3]. அவர்கள் பஸ், ரெயில் நிலையங்களில் கோஷ்டிகளாக மோதிக்கொள்ளும் சம்பவம் அடிக்கடி அரங்கேறி வருகின்றன[4]. ரூட்டு தல பிரச்சினையே இதற்கு முக்கிய காரணமாக கூறப்படுகிறது. மோதலில் ஈடுபடும் மாணவர்களை போலீசார் கைது செய்தும், எச்சரித்தும் தொடர்ந்து நடவடிக்கை எடுத்து வருகிறார்கள். எனினும் மாணவர்களிடையேயான மோதல் இன்னும் முடிவுக்கு வரவில்லை. இன்று காலையும் மின்சார ரெயிலில் மாணவர்கள் ஒருவரை ஒருவர் தாக்கிக் கொண்ட சம்பவம் பரபரப்பை ஏற்படுத்தி உள்ளது. திருத்தணியில் இருந்து சென்னை சென்ட்ரல் நோக்கி 14-02-2024 அன்று காலை மின்சார ரெயில் வந்து கொண்டு இருந்தது. “சென்னை கடற்கரை ரயில் நிலையத்தில் இருந்து அரக்கோணம் நோக்கி மின்சார ரயில் ஒன்று நேற்று பிற்பகல் சென்றுள்ளது.” என்கிறது நக்கீரன்[5]. “இந்த ரயிலில் மாநிலக் கல்லூரியைச் சேர்ந்த ஏராளமன மாணவர்கள் பயணம் செய்துள்ளனர். அதன்படி இந்த ரயில் பட்டரவாக்கம் ரயில் நிலையத்திற்கு வந்துள்ளது. அப்போது அங்கு காத்திருந்த பச்சையப்பன் கல்லூரி மாணவர்கள், மாநிலக் கல்லூரி மாணவர்கள் மீது கற்கள் மற்றும் பாட்டில்களால் தாக்கியுள்ளனர்[6]. பதிலுக்கு மாநிலக் கல்லூரி மாணவர்களும், பச்சையப்பன் கல்லூரி மாணவர்கள் மீது தாக்குதல் நடத்தியுள்ளனர்.”

ரெயிலில், ரெயில் நிலையத்தில் வன்முறை கூடாது; காலை நேரம் என்பதால் அனைத்து ரெயில் பெட்டிகளிலும் பயணிகள் கூட்டம் நிரம்பி வழிந்தது[7]. இதில் சென்னை பச்சையப்பன் கல்லூரி மற்றும் மாநிலக்கல்லூரியில் படிக்கும் திருத்தணி, திருவள்ளூர் மற்றும் சுற்றுப்புற பகுதியை சேர்ந்த ஏராளமான மாணவர்கள் பயணம் செய்தனர்[8]. பட்டரைவாக்கம் ரெயில் நிலையம் அருகே மின்சார ரெயில் வந்து கொண்டு இருந்தபோது ஒரு பெட்டியில் இருந்த பச்சையப்பன் கல்லூரி மற்றும் மாநிலக்கல்லூரி மாணவர்கள் இடையே திடீரென மோதல் ஏற்பட்டது[9]. திடீரென்று ஏற்பட வாய்ப்பில்லை, மாறாக, அவர்கள் திட்டமிட்டே செய்திருக்கக் கூடும். இருப்பினும், ஆயிரக் கணக்கான, பொது மக்கள் பயணிக்கும் ரெயிலில், ரெயில் நிலையத்தில் வன்முறையில் ஈடுபட்டது, சட்டத்தை மீறியகுற்றமாகும். அவர்கள் ஒருவரை ஒருவர் பயங்கரமாக தாக்கிக்கொண்டனர்[10]. இதனை கண்டு ரெயில் பெட்டியில் இருந்த பயணிகள் அதிர்ச்சி அடைந்தனர்[11]. இதற்குள் பட்டரைவாக்கம் ரெயில் நிலையத்தை அடைந்ததும் மின்சார ரெயில் நின்றது[12]. உடனே ரெயிலில் இருந்து இறங்கிய பச்சயைப்பன் கல்லூரி மற்றும் மாநிலக்கல்லூரி மாணவர்கள் ஏராளமானோர் கோஷ்டிகளாக மோதிக்கொண்டனர். மேலும் கல், சோடா பாட்டில், பீர் பாட்டில்களை ஒருவர் மீது ஒருவர் வீசி தாக்கினர்.  உருட்டுகட்டையாலும் தாக்கிக்கொண்டனர்.

© வேதபிரகாஷ்

15-02-2024

---

[1] குமுதம், பல ஜாம்பவான்களை உருவாக்கிய கல்லூரிக்கு இந்த நிலைமையா? வைரலாகும் வன்முறை, Feb 14, 2024 – 15:11  Feb 14, 2024 – 17:58.

[2] https://kumudam.com/Violence-Culture-rising-on-Pachaiyappas-college-student

[3] மாலைமுரசு, பீர் பாட்டிலை வீசி மாணவர்கள் மோதல்– கல்லூரியில் இருந்து நிரந்தரமாக நீக்க ரெயில்வே போலீசார் கடிதம், Byமாலை மலர், 14 பிப்ரவரி 2024 12:55 PM.

[4] https://www.maalaimalar.com/news/state/tamil-news-students-clash-at-railway-station-703119

[5] நக்கீரன், கல்லூரி மாணவர்கள் மோதல்; 60 பேர் மீது வழக்குப்பதிவு!, செய்திப்பிரிவு,

 Published on 14/02/2024 | Edited on 14/02/2024

[6] https://www.nakkheeran.in/24-by-7-news/thamizhagam/college-students-incident-case-against-60-people

[7] தமிழ்.ஏபிபி.லைவ், Train Violence : மின்சார ரயிலில் மோசமாக தாக்கிக்கொண்ட மாணவர்கள்! சென்னையில் பயங்கரம்!, By : சுகுமாறன் |PUBLISHED AT : 14 FEB 2024 08:09 PM (IST),  Updated at : 14 Feb 2024.

[8] https://tamil.abplive.com/news/chennai/chennai-college-students-fight-with-bottles-stones-patravakkam-railway-station-chennai-passenger-train-167549

[9] இடிவிபாரத், பீர் பாட்டிலை வீசி மாணவர்கள் மோதல்.. ரணகளமான பட்டரவாக்கம் ரயில் நிலையம்– 60 பேர் மீது வழக்குப்பதிவு!, By ETV Bharat,  Tamil Nadu Desk. 14 Feb 2024.

[10] https://www.etvbharat.com/ta/!state/route-thala-clash-between-two-college-students-in-pattaravakkam-railway-station-tns24021403819

[11] தமிழ்.ஏசியாநெட்.நியூஸ், சென்னை: பீர் பாட்டில் வீசி மாணவர்கள் மோதல்.. கலவர பூமியான ரயில் நிலையம்.. 3 பேரை அலேக்காக தூக்கிய போலீஸ்!, Raghupati R, First Published Feb 14, 2024, 7:55 PM IST, Last Updated Feb 14, 2024, 7:55 PM IST.

[12] https://tamil.asianetnews.com/tamilnadu-chennai/at-the-chennai-train-station-students-from-two-city-colleges-fight-throw-stones-and-three-held-rag-s8uo2r

மாநில கல்லூரி, பச்சையப்பன் கல்லூரி மாணவர்கள் கற்களை வீசி மோதல்–பொது மக்களுக்கு தொந்தரவு, அச்சுருத்தல்!

மாநில கல்லூரி, பச்சையப்பன் கல்லூரி மாணவர்கள் கற்களை வீசி மோதல் – பொது மக்களுக்கு தொந்தரவு, அச்சுருத்தல்!

சென்னை கல்லூரி மாணவர்களுக்கு இடையே மோதல் ஏன்: சென்னையில் கல்லூரிகளுக்கு செல்லும் மாணவர்கள் அடிக்கடி பேருந்து மற்றும் ரயில்களில் மோதிக் கொள்ளும் சம்பவங்கள் அரங்கேறி வருகின்றன. ஏற்கனவே பெரம்பூர், பேசின் பிரிட்ஜ், கடற்கரை ரயில் நிலையங்களில் இரண்டு கல்லூரிகளின் மாணவர்கள் மோதிய வழக்குகளில் சில மாணவர்கள் கைது செய்யப்பட்டு சிறையில் அடைக்கப்பட்டனர். படிக்கும், படிக்க வருகின்ற மாணவர்கள் இவ்வாறு வன்முறையில் ஈடுபடுவது தொடர்ந்து நடந்து 1970களிலிருந்து வருகிறது. மாணவர்களை ஒரு அளவுக்கு மீறி அரசியலில் ஈடுபட வைப்பதினாலும், கல்லூரி-பல்கலைக் கழகங்களில் அரசிய கட்சி சார்பு இயக்கங்கள், அமைப்புகள் வைத்து மாணவர்களைப் பிரிப்பதாலும், அவ்வாறே அவ்வளாகங்களில் தேர்தல்கள் நடத்துவதாலும் இத்தகைய விளைவுகள் ஏர்படுகின்றன. முதலில் கம்யூனிஸ்டு, பிறகு திராவிட கட்சிகள் இத்தகைய வேலைகளில் இறங்கின, சிறந்தன. பிறகு மற்ற கட்சிகளும் சேர்ந்து கொண்டன.

ஒழுக்கம், கட்டுப்பாடு முதலியவை குறைவதால் ஏற்படும் விளைவுகள்: இதனை, தீர ஆராயமல் அல்லது அறிந்தும் அறியாதது போல கடந்து செல்வதால் தான், வன்முறைகள் அதிகமாகின்றன, தொடர்கின்றன. ஒழுக்கம் இல்லாமை, பெரியவர்களுக்கு மரியாதை கொடுக்காமல் இருப்பது, பெற்றோர்களை மதிக்காமல் இருப்பது, மேனாட்டு நாகரிகம்-சினிமா பாணிகளில், வக்கிரம், சண்டை, அடிதடி, வன்முறை என்று இறங்குவது முதலியவை அச்சீர்கேடுகளின் அடையாளங்கள் மற்றும் விளைவுகளாகவும் இருக்கின்றன. ஆக, மாணவ-மாணவிகளிடம் பிரச்சினைகள் ஏற்படுவது உள் மற்றும் வெளிப்பிரச்சினைகள் என்று அடையாளம் காட்டலாம். பொதுவாக தார்மீக சிந்தனைகள் குறைவது, பெற்றோர்களுக்கு மதிப்பு கொடுக்காதது, அவர்கள் பேச்சு கேட்காதது, பல வழிகளில் அவர்களை ஏமாற்றுவது (ஹாஸ்டலில் படிக்கும் மாணவ-மாணவிகள்), பெரியவர்களுக்கு மரியாதை கொடுக்காதது,………………என்ற விஷயங்களும் வருகின்றன.

மாணவிகளும் எல்லைகளைக் கடந்து நடந்து கொள்வது: போதாகுறைக்கு மாணவிகளும் சீர்கெட்டு அலைகின்றனர், வெளிப்படையாக சிகரெட் பிடிப்பது, குடிப்பது,மாணவர்களுடன் தொட்டுப் பேசுவது, கைக் கோர்த்துக் கொண்டு சுற்றுவது, என்றெல்லாம் சர்வசகஜமாக நடந்து வருகின்றன. பெற்றோர், உற்றோர், மற்றோர் பார்த்தால் துடித்து விடுவர், அந்த அளவுக்கு மாணவிகள் நடந்து கொள்கின்றனர். பெண்மை, பெண்கள் உரிமைகள் என்ற ரீதியிலும், மாணவிகள் ஆடை, நடவடிக்கை, நடப்பு, முதலிய விவகாரங்களில் எல்லைகளை மீறுகிறார்கள். கல்லூரி-பல்கலைக்கழகங்களில் படிக்கும் பொழுது, படிப்பு-சம்பந்தமாக என்றும் வெளியே சென்று வருகிறார்கள். அந்நிலைகளில் ஆசிரியர்களே வரம்பு மீறும் நிலைகள், வழக்குகளில் முடிந்துள்ளன. ஆனால், இங்கு பாதிப்பு மாணவிகளுக்குத் தான் அதிகம். இழந்ததை மீண்டும் பெற முடியாது.

மாநிலக்கல்லுாரி மாணவர்கள் பச்சையப்பன் கல்லுாரி மாணவர்களை தாக்கியது: அரக்கோணத்தில் இருந்து சென்னை எம்ஜிஆர் சென்ட்ரல் ரயில் நிலையத்தை நோக்கி சென்னை வந்த மின்சார ரயில், 9-10-2023 அன்று காலை 9:15 மணியளவில் பெரம்பூர் லோகோ ஒர்க்ஸ் ரயில் நிலையம் வந்தது[1]. இதெல்லாம் தினமும் நடக்கும் நிகழ்ச்சி தான். அப்போது ரயிலில் பயணம் செய்த மாநிலக் கல்லூரி மாணவர்கள் திடீரென மின்சார ரயிலில் இருந்து கீழே இறங்கினர்[2].  ஒரு பெட்டியில் இருந்த மாநிலக்கல்லுாரி மாணவர்கள் சிலர், அடுத்த பெட்டிக்கு சென்றனர்[3]. அங்கு இருந்த பச்சையப்பன் கல்லுாரி மாணவர்களை கண்டதும், பச்சையப்பன் கல்லூரி மாணவர்கள் பயணம் செய்த ரயில் பெட்டியின் மீது கற்களை வீசி எறிந்து தாக்குதல் நடத்தினர்[4]. இதெல்லாம் நிச்சயமாக பிறகு தெரிந்த விசயங்கள் தான்ச்ரெயிலில் ஏறும் பொழுதே, எந்தெந்த கல்லூரி என்று அடையாளப் படுத்த முடியாது. இதனையடுத்து பச்சையப்பன் கல்லூரி மாணவர்களும் பதிலுக்கு கற்களை வீசி எறிந்து தாக்குதல் நடத்தினர்[5]. இதனால், அந்தப் பகுதியே போர்க்களம் போல காட்சியளித்தது[6]. ஆக, இவ்விரு கல்லூரி மாணவர்களுக்கு ஏற்கெனவே முன் விரொதம் இருக்கிறது என்று தெரிகிறது. பிறகு, அதை ஏன் தீர்க்கப் படவில்லை என்று தெரியவில்லை.

சக–பயணிகளை அச்சுருத்தும் கல்லெறியும் பயங்கரவாதம்: சுமார் 40க்கும் மேற்பட்ட மாநில கல்லூரி மாணவர்கள் பெரம்பூர் லோகோ நடைபாதையில் ஓடிச் சென்று தொடர்ந்து கற்களை வீசி எறிந்ததால் பொதுமக்கள் மற்றும் ரயிலில் பயணம் செய்த பயணிகள் அனைவரும் அச்சமடைந்தனர்[7]. ரெயில்வே டிராக்கில் இருக்கும் கற்கள் வீசப் பட்டன என்பதை கவனிக்க வேண்டும். இதில் கல்லூரி மாணவர்கள் சிலர் லேசாக காயங்களுடன் உயிர் தப்பினர்[8]. இதனால் ரயில் நிலையத்தில் பதற்றம் ஏற்பட்டது.  இதனால் பிற பயணியர் அச்சத்தில் அலறியடித்து பெட்டிக்குள் பதுங்கினர்[9]; உடனடியாக ரயிலில் பயணம் செய்த பொதுமக்கள் மின்சார ரயிலின் கதவுகளை மூட முயற்சி செய்தனர்[10]. ஆனால் கதவுகளை மூட முடியாததால் ரயில் பெட்டிக்குள் உள்ளே சென்று ஒளிந்து கொண்டனர். சிலர் பதறியடித்து ஓட்டம் பிடித்தனர். சில நிமிடங்களில் ரயில் புறப்படவே, மாணவர்கள் கலைந்து சென்றனர். இதெல்லாம் சக பயணிகளுக்கு அளிக்கும் மிகப் பெரிய அச்சுருத்தல், பயங்கரவாத செயலும் ஆகும். இவர்களுக்கும், காஷ்மீரத்தில் கெல்லெறியும் ஜிஹாதிகளுக்கும் வித்தியாசம் இல்லை.

புகார் கொடுக்கப் படவில்லை-கொடுத்தார்கள் போன்ற முரண்பட்ட செய்திகள்: இது குறித்து யாரும் புகார் செய்யவில்லை என்று சில நாளிதழ்கள் குறிப்பிடுகின்றன.. சம்பவம் குறித்து, பெரம்பூர் ரயில்வே போலீசார் விசாரிக்கின்றனர்[11]. இச்சம்பவம் தொடர்பாக பெரம்பூர் ரயில்வே போலீசார் வழக்குப்பதிவு செய்து அப்பகுதியில் இருந்த சிசிடிவி கேமரா பதிவுகளை ஆய்வு செய்து மோதலில் ஈடுபட்ட கல்லூரி மாணவர்கள் குறித்து விசாரணை மேற்கொண்டு வருகின்றனர்[12]. கடந்த அக்டோபர் 5ம் தேதி கடற்கரை ரயில் நிலையத்தில் மாணவர்கள் ஒருவருக்கொருவர் வெட்டிக் கொண்ட சம்பவம் அடங்குவதற்குள், பெரம்பூர் லோகோ ரயில் நிலையத்தில் மீண்டும் மாணவர்கள் மோதிக்கொண்ட சம்பவம் பொதுமக்கள் மத்தியில் அதிர்ச்சியையும் பீதியையும் ஏற்படுத்தி உள்ளது.  தகவல் அறிந்து சம்பவ இடத்திற்கு வந்த பெரம்பூர் ரயில்வே போலீசார், உடனடியாக பெரம்பூர், வியாசர்பாடி ஜீவா, சென்ட்ரல் உள்ளிட்ட பகுதிகளுக்கு தகவல் கூறி அனைத்து ரயில் நிலையங்களிலும் போலீசாரை உஷார் படுத்தினர்.

நல்வழிக் கல்விக்காக என்ன செய்ய வேண்டும்?: கவுன்சிலிங்-ஆலோசனை, சேர்ப்பதற்கு மட்டும் வைத்துக் கொண்டு, பிறகு மறந்து விடுகின்றனர். ண்மையில் அவர்கள் தங்களுக்கு வருமானம் வரவேண்டும் என்று பிரச்சாரம் செய்து வருகின்றனர். பெற்றோர், உற்றோர், ஆசிரியர்க்கள், பெரியவர்களை விட இவர்களால் ஒழுக்கம் போதிக்க முடியுமா என்று தெரியவில்லை. இன்றைய காலகட்டங்களில் மாணவ-மாணவியர் பெற்றோர்களின் பேச்சை கேட்காமல் இருப்பதால், கவுன்சிலிங்-ஆலோசனை முறை கல்லூரிகளில் இருக்கவேண்டும். இது கல்லூரி சொந்தக்காரர்கள், முதலீடு செய்தவர்கள், தாளாளர், முதல்வர், படிப்புத்துறைகளின் தலைவர்கள், விரிவுரையாளர்கள் முதல், விடுதி பொறுப்பாளர், பியூன்கள், வேலையாட்கள், செக்யூரிட்டி வறை இருக்க வேண்டும். ஆனால், இதையும் கெடுக்க நிர்வாகித்தினர் முயலக் கூடாது. ஆகவே, –

• ஆன்மீக வகுப்புகள் (Moral classes) மறுபடியும் நடத்தப் படவேண்டும்.
• நீதி-நேர்மை-நியாயம் பற்றி வாரம் ஒரு வகுப்பு சேர்க்கப்பட வேண்டும்.
• தர்மம், ஆன்மீகம், தெய்வ நம்பிக்கை முதலியவை போற்றப் படவேண்டும்.
• இதில் செக்யூலரிஸம் என்ற போர்வையில் பிரச்சினை ஏற்படுத்தக் கூடாது.
• நாத்திகம் பெயரில் மனங்களைக் கெடுக்கக் கூடாது.
• சித்தாந்தங்கள் போர்வையில், மாணவ-மாணவியரின் மனப்பாங்கை சீரழிக்கக் கூடாது.

© வேதபிரகாஷ்

10-10-2023

---

[1]  தினமலர், ரயில் நிலையத்தில் மாணவர்கள் மோதல்: பயணியர் அலறியடித்து ஓட்டம், பதிவு செய்த நாள்: அக் 10,2023 04:50; https://m.dinamalar.com/detail.php?id=3453466

[2] https://m.dinamalar.com/detail.php?id=3453466

[3] இ.டிவி.பாரத், பெரம்பூர் ரயில் நிலையத்தில் மோதிக்கொண்ட கல்லூரி மாணவர்கள்.. வைரலாகும் வீடியோ!, Published: Oct 9, 2023, 8:59 PM

[4] https://www.etvbharat.com/tamil/tamil-nadu/state/chennai/clash-between-two-college-students-at-railway-station-in-chennai-public-panicked/tamil-nadu20231009205944631631687

[5] காமதேனு, ரயில் மீது சரமாரி கற்கள் வீச்சு… இருக்கையில் பதுங்கிய பயணிகள்: கல்லூரி மாணவர்கள் அட்டூழியம், Updated on : 09 Oct 2023, 5:53 pm.

[6] https://kamadenu.hindutamil.in/crime-corner/chennai-college-students-clash

[7] தினத்தந்தி, பெரம்பூர் லோகோ ரெயில் நிலையத்தில் கல்லூரி மாணவர்கள் மோதல்; மின்சார ரெயில் மீது கல்வீச்சு, அக்டோபர் 10, 8:49 am

[8] https://www.dailythanthi.com/News/State/college-students-clash-at-perambur-loco-rail-station-stone-pelting-on-electric-train-1069693

[9] மாலைமலர், பெரம்பூர் ரெயில் நிலையத்தில் இருக்கல்லூரி மாணவர்களிடையே மோதல், By மாலை மலர், 9 அக்டோபர் 2023 2:33 PM

[10] https://www.maalaimalar.com/news/state/tamil-news-2-college-students-conflict-in-perambur-railway-station-672138

[11] தினகரன், பெரம்பூர் லோகோ ரயில் நிலையத்தில் கல்லூரி மாணவர்கள் பயங்கர மோதல்: சரமாரியாக கற்களை வீசியதால் பயணிகள் அலறல், 01:55 am Oct 10, 2023

[12] https://m.dinakaran.com/article/News_Detail/1232348